पासापिँ ज्वःजलपा!
उकुन्हुतिनि नेपाल मण्डल येँया न्येते भारतया राजदूत पाखेँ न्हूधाःयानादीगु नेपाल भास परिसदया छेँया शिलापत्रय् दूगु खस भासया पलेसा हीका पाय्छिजुइकः तयेतः कारुणिक इनाप यायतेना छिकपिनिगुनँ समर्थन दुसा, थ्वहे ईमेले नाँ, लजगा व थाय च्वया पासापिन्तः इनाबियादिसँ। छगु कपि जितः नँ छ्वया हैदिसँ। अले नेपाल भास परिसदया नायः भाजु फणिन्द्ररत्न वज्राचार्यजुयाथाय् छ्वया बी। थःम्हँहे वस्पोल नायः गुरुजुयात छ्वया बियादीसाँ ज्यू।
नेपाल भास परिसदया नायः
हनेबहम्ह फणिन्द्ररत्न वज्राचार्यजु, ज्वःजलपा!
दकले न्हापाँ उकुन्हुतिनि नेपाल भास परिसदया छेँया न्हूधाः भारतया राजदूत हनेबहम्ह श्री राकेश सूदजुया पाखेँ जुल धैगु खँ न्यनेदया तसकँहे लसता वल नापँ भीँतुनाँ है च्वना। नापँ नेपाल भास, साहित्यया उत्थानया छलपोलपिनिगु ज्या सुथाँ लाना वनेमा धका भीँतुना है च्वना।
हानँ छगु इनापनँ यानाहैच्वना। न्हूधाःयाःगु नेपाल भास परिसदया छेँया शिलापत्रय् अंग्रेज भास व खस भासँ जक च्वयातःगु खँय् आपालँ पासापिसँ आपत्ति खना च्वंगु जुल। जिनँ अथेहे आपत्ति खना च्वना। छलपोलथेँ जापिँ बुद्धिजीवपिन्त जिँ धायबहःगु खँ मखु। गनँ मछिना अथे जूगुला मस्यु। छीसाँ भिंका बिज्यायत इनाप याना है च्वना। नापँ छगु दसू दयेका छ्वया है च्वना। किपा स्वया बिज्याहुँ। थौकन्हे नेपाललिपिँ च्वयेगु ज्या अपाय्च्व थाकूगु ज्या मखय् धुंकल। उकेँ नेपाल भासया खँग्व नेपाल लिपिँहे च्वया बिज्यायतःनँ इनाप याना है च्वना। अथे हिलेत ध्यबा मगासा जिगु पाखेँ नेपाल दाँतका दोछिदाँ छ्वया हये। मेपिँ पासापिसँनँ छ्वयाहै धैगु आसा दु।
हस् थौँयात थुलिहे, बुद्ध, धर्म व संघया आशिर्वादँ छःपिँ व परिसदया सकसितँ भीँ जुयातुँ च्वनेमा धका भीँतुनाहै च्वना।
छपिनिम्ह,
नेपाल अध्ययन मण्डल तोःक्योः, जपान, नेपाल संवत ११३० बछला २८ शुक्रवाः सिथिचःरे
झी कविकेशरी चित्तधर “हृदय” व कवियत्री मोतीलक्ष्मी उपासीका पाखें
नेपालभास परिसदयात दान बिया थकूगु न्यत, तुँछें त्वाःया थ्व छेँया न्हूधाः
नेपाल संवत ११३० वछला २१ सप्तमी शुक्रवाःकुन्हु
नेपालय् भारतया राजदूत हनबहम्ह राकेश सूद पाखेँ जूगु जुल।
नेपालभास परिसद, चित्तधर लँ, नेत, येँ, नेपाल मण्डल
FOR NEPAL BHASA PARISAD HOUSE, TUNCHHE TVA,
NYETA IN YEN (KATHMANDU)
INAUGURATED BY
HIS EXCELLENCY SHRI RAKESH SOOD,
THE AMBASSADOR OF INDIA
ON JUNE 4, 2010
NEPAL BHASA PARISAD HOUSE, NYETA
IN YEN (KATHMANDU), NEPAL MANDALA
Last edited: 02-Apr-11 12:39 PM
